Cara scolara, car scolar

cunquei ch'igl ei uonn negin pass da vacanzas ha la Pro Juventute Cadi
organisau in acziun da stad.

 


Annunzias
Tuttas annunzias ston vegnir fatgas sur nossa homepage ora entochen sil pli tard ils 9 da zercladur 2019.
Adatg: nus acceptein mo annunzias che cuntegnan tuttas indicaziuns davart las persunas! Tias datas ston constar!

Las annunzias ston vegni fatgas online sur nossa pagina ora.
Per la vegliadetgna vala: ils scolars ston ver frequentau l'emprema classa primara.

Ti survegnas in abonnament dil Grischun (Büga) cul qual Ti sas ir duront las vacanzas igl entir tschancun dalla Viafier Retica, digl auto da posta Grischun, il bus da Cuera e la Matterhorn Gotthard Bahn (tochen Pass Alpsu) gratuitamein. Quei Büga vala naven dils  22 da zercladur 2019 entochen ils  26 d’uost 2019, in bon da Kino per l'entira Svizra ed igl abonnament da bogn giavischau (Fontanivas Glion: Per saver ir en persuls stoss ti esser 11 onns).

Tgi che piarda il bigliet ni vegn pli tard paga aunc sfr. 10.00 per l'administraziun.

Cuosts
La summa da sfr. 40.00 ei da pagar leu, nua ch'il bigliet vegn retratgs.
Quei fuss els suandonts loghens e quei naven dils 17 entochen ils 21 da zercladur 2019.

Tujetsch:
Banca Raiffeisen Cadi, Sedrun

Medel e Mustér:
Banca Raiffeisen Cadi, Mustér

Sumvitg e Trun:
Banca Raiffeisen Cadi, Trun

Danis/Tavanasa/Dardin:
Volg, Danis

Breil:
Banca Raiffeisen Surselva, Breil

Tiu bigliet ei persunalisaus e mo quels ch’ein s’annunziai sur la pagina dad internet pil pass da vacanzas retscheivan il bigliet el liug sura numnau.

Segirada
La segirada ei caussa dils representants legals.

Autras damondas
Sche Ti has uss aunc autras damondas mira sin nossa homepage www.projuventutecadi.ch ni tarmetta in mail Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!.

 

 

 

 

Pro Juventute